મિત્રો ચણાનું નામ તો તમે સાંભળ્યું જ હશે અને એ નામ સાંભળ્યા બાદ તમારા મોઢામાં પાણી પણ આવ્યું જ હશે પણ શું તમે જાણો છો કે ચણા જેટલા ખાવામાં ટેસ્ટી છે એટલા જ તે પૌષ્ટિક છે. ચણાનું સેવન કરવાથી સ્વાસ્થ્યને ઘણા લાભ થાય છે. કારણ કે ચણામાં પ્રોટીનની માત્રા વધુ પ્રમાણમાં હોય છે.
એટલું જ નહીં ચણામાં વિટામિન બી6, ફાઇબર, પોટેશિયમ, મેંગેનીઝ, ફોસ્ફરસ અને ફાઇબર જેવા તત્વ પણ રહેલા હોય છે. એટલે જો તમે ચણાને પલાળીને ખાઓ છો તો એનાથી સ્વાસ્થ્યને લગતી ઘણી બધી સમસ્યાઓમાંથી છુટકારો મળે છે. એટલું જ નહીં શરીરમાં એનર્જી પણ જળવાઈ રહે છે તો ચાલો આજે અમે તમને પલાળેલા ચણાના ફાયદા શુ છે એ વિશે જણાવી દઈએ.
ચણા ના ફાયદા
કબજિયાત ની તકલીફ હોય તો ચણાને પલાળીને તેનું સેવન કરવાથી ઘણો બધો ફાયદો થાય છે કારણ કે ફાઈબરનું પ્રમાણ ચણામાં સારી માત્રામાં હોય છે અને એ કબજિયાતને દૂર કરવામાં ખૂબ જ મદદરૂપ નીવડે છે. આ ઉપરાંત પેટને લગતી ઘણી બધી તકલીફો પણ ચણાના સેવનથી દૂર થઈ જાય છે.
આપણે સૌ જાણીએ જ છે કે હાઈ બીપીની તકલીફ હ્ર્દય માટે ખૂબ જ જોખમી સાબિત થઈ શકે છે. એટલે એને કાબુમાં રાખવું ખૂબ જ જરૂરી હોય છે. બ્લડપ્રેશરને કાબુમાં રાખવા માટે ચણાને પલાળીને તેનું સેવન કરવામાં આવે તો ઘણો ફાયદો થાય છે. કારણ કે ચણામાં પોટેશિયમ રહેલું છે, જે બ્લડપ્રેશરને કાબુમાં રાખવામાં ઘણું મદદરૂપ સાબિત થાય છે.
હાડકા માટે પણ પલાળેલા ચણાનું સેવન ખૂબ જ લાભદાયી સાબિત થાય છે. કારણ કે પલાળેલા ચણામાં વિટામિન kનું સારું પ્રમાણ રહેલી હોય છે જે હાડકાને મજબૂત કરવાનું કામ કરે છે એટલે પલાળેલા ચણાના સેવનથી હાડકાના રોગનું જોખમ ઓછું થઈ જાય છે.
ફોસ્ફરસ, મેગ્નેશિયમ અને થાઇમિન જેવા તત્વોનું પ્રમાણ પણ પલાળેલા ચણામાં સારું હોય છે જેથી જો તમે રોજ પલાળેલા ચણા ખાઓ છો તો તમારી રોગપ્રતિકારક શક્તિ મજબૂત બને છે. એટલું જ નહીં પલાળેલા ચણાના સેવનથી તમે વાયરસ અને બેક્ટેરિયાથી પણ બચી શકો છો.
વધતા વજન ને જો તમે ઘટાડવા માંગતા હોય તો તમારા માટે પલાળેલા ચણા ખૂબ જ ફાયદાકારક સાબિત થઈ શકે છે. પલાળેલા ચણામાં પ્રોટીન અને ફાઇબરનું પ્રમાણ સારું હોય છે જે તમારું વધતું વજન ઘટાડવા માટે ઉપયોગી સાબિત થઈ શકે છે.
સ્નાયુઓ માટે પણ પલાળેલા ચણાનું સેવન ખૂબ જ ઉપયોગી સાબિત થઈ શકે છે. કારણ કે પલાળેલા ચણામાં પ્રોટીનનું પ્રમાણ સારું હોય છે જે સ્નાયુઓને મજબૂત બનાવવામાં ઉપયોગી થાય છે.
જો તમારા શરીરમાં લોહી ઓછું હોય તો પણ ચણાનું સેવન તમારા માટે ફાયદાકારક સાબિત થાય છે. કારણ કે ચણામાં આર્યનનું પ્રમાણ સારું હોય છે અને આયર્ન એનેમિયાને દુર કરવામાં મદદગાર નીવડી શકે છે.
“દેશી ઓસડીયા ઘરેલુ ઉપચાર” આ અમારું ફેસબુક પેજ છે જ્યાં અમે સતત પ્રયત્ન કરીએ છીએ કે અમે અનુભવેલું અને અજમાવેલ જ તમને જણાવીએ.
અમારા પેજ પર જો તમે નવા છો તો અમારું પેજ હમણાં જ લાઈક કરી લો જેથી અમારા દરેક આર્ટિકલ તમે નિયમિત વાંચી શકો. તમને અમારી આ માહિતી કેવી લાગી એ કોમેન્ટમાં જરૂર જણાવજો અને તમારા બીજા મિત્રો સુધી આ માહિતી જરૂર શેર કરજો જેથી વધુ ને વધુ લોકોને આનો ફાયદો મળે.
ખાસ નોધ: અહીંયા અમે જે પણ ઘરેલુ અને સટીક ઉપાય તમને જણાવીએ છીએ એ લગભગ અસરકારક છે જ પણ તમે પણ જાણતા જ હશો કે વ્યક્તિની તાસીર અલગ હોય છે. આમ કોઈપણ ઉપાય તમે અપનાવો અને જો ફર્ક પડતા થોડો સમય લાગે તો એ તમારી તાસીરના કારણે બની શકે છે. વધુ વિગતો માટે હંમેશા તમારા ડૉક્ટરનો સંપર્ક કરો.
આશા છે અમે જણાવેલી માહિતી તમારા રોજબરોજના જીવનમાં ઉપયોગી સાબિત થતી હશે
