હેલ્ધી રહેલું જેટલું ચેલેન્જિંગ લાગે છે એટલું છે નહીં કારણ કે હેલ્ધી અને ફિટ રહેવા માટે આપણે કંઈક વધારે પડતું જ વિચારીએ છીએ પણ કઈ કરી નથી શકતા. પણ ફિટનેસ અને હેલ્થ માટે કંઈક મોટું કરવાનું નહિ, પણ નાના નાના સ્ટેપ્સ લેવાની જરૂર છે, જેનાથી તમને મોટો ફાયદો થશે.
– સૌથી પહેલા તમારા દિવસની સારી શરૂઆત કરો. પોઝિટિવ માઈન્ડ સાથે ઉઠો અને તમારા રૂટિનને હેલ્ધી રાખો
– સવારે ટાઇમસર ઉઠવાનો નિયમ બનાવો
– સવારે ઉઠતાની સાથે જ એક કે બે ગ્લાસ હુંફાળું પાણી પીવો.
– હળવી એક્સરસાઇઝ, યોગ કે વોકથી કરો હેલ્ધી શરૂઆત. રોજ સમય કાઢીને થોડો ફિઝિકલ એક્ટિવિટી જરૂર કરો.
– રોજ ઓછામાં ઓછા 8 ગ્લાસ પાણી ચોક્કસ પીવો
– ચહેરા પર સ્માઈલ રાખો અને પોતાની જાતને મોટીવેટ કરો કે આજનો દિવસ સારો રહેશે અને હું ખુશ રહીશ.
– એ પછી વારો આવે છે હેલ્ધી બ્રેકફાસ્ટનો. પૌષ્ટિક નાસ્તો કરો કારણ કે એનર્જી વધારવા અને નવા દિવસની શરૂઆત માટે સૌથી જરૂરી છે પૌષ્ટિક નાસ્તો.
એ સિવાય બ્રેકફાસ્ટ તમને મેદસ્વી થવાથી બચાવે છે. જે લોકો સવારે નાસ્તો નથી કરતા એમની વેસ્ટ લાઇન નાસ્તો કરનારની સરખામણીમાં વધુ હોય છે.
– ભલે લંચ સરખું ન કરો પણ નાસ્તો હેલ્ધી કરશો તો ફેટથી બચી શકશો.
– બહુ વધારે મીઠું અને સ્વીટ ખાવાથી બચો.
– ચા કે કોફીને બદલે ગ્રીન ટીને તમારા રૂટિનમાં સામેલ કરો
– સીઝનલ ફ્રૂટ્સ અને શાકભાજી ખાઓ
– ખાવાના એક કલાક પહેલાં એક ગ્લાસ પાણીમાં એક લીંબુનો રસ નાખીને પીઓ
– રાત્રે હળદર વાળું દૂધ પીઓ
– પૂરતી ઊંઘ લો કારણ કે ઊંઘ પુરી ન થાય તો તબિયત તો બગડે જ છે પણ વજન પણ વધે છે.
– વાસી ભોજન ન કરો. જેમ બને એમ તાજું જ ભોજન લો
– આખા અઠવાડિયાની ડાયટ પ્લાન કરી તેનો ચાર્ટ બનાવી લો
– સૂપ પીઓ અને સલાડ ખાઓ
– ડ્રાયફ્રુટને પણ તમારા રૂટિનમાં સ્થાન આપો
– રોજ લીંબુનું સેવન કરો. લીંબુ શરબત તરીકે કે પછી ભોજનમાં લીંબુ નીચોવીને પીઓ. એ તમારી પાચનશક્તિને સારી બનાવે છે.
– રોજ સવારે એક ટીસપુન ફિશ ઓઇલ લેવાથી પણ ખૂબ જ ફાયદો થાય છે.
– પનીરનું સેવન કરો કારણ કે એ વજનને નિયંત્રણમાં રાખવામાં મદદ કરે છે.
– એ જ રીતે દહીં કે છાશનું પણ નિયમિતપણે સેવન કરો કારણ કે એમાં હેલ્ધી બેક્ટેરિયા હોય છે જે પેટ અને આંતરડાને સ્વસ્થ રાખે છે.
– પ્રોટીનથી ભરપૂર હોય તેવું ભોજન લો, એ તમારું મેટાબોલિઝમ વધારે છે.
– ઇટિંગ હેબીટ્સને એકદમ જ બદલવાને બદલે ધીમે ધીમે બદલો
– બહુ સ્ટ્રીકટ ડાયટ ન કરો કારણ કે એને વધુ સમય સુધી ફોલો કરવું ખૂબ જ મુશ્કેલ છે.
– જમ્યા પછી તરત પાણી ન પીઓ
– દિવસમાં બે વાર ભરપેટ ખવાને બદલે 5 6 વાર થોડું થોડું ખાઓ
– જમવાનું ચાવી ચાવીને જ ખાઓ
– ડાયટમાં ફાઇબર સામેલ કરો. ફાઇબર જેટલું વધુ એટલું જ પેટ હેલ્ધી રહેશે કારણ કે કબજિયાતની સમસ્યા નહિ થાય
-અમુક મસાલા બહુ જ હેલ્ધી હોય છે, મરી, તજ, લવિંગ,ઈલાયચી, ધાણા, જીરું, વરિયાળી વગેરેનું સેવન શરૂ કરો
– બહુ વધારે પેઈન કિલર્સ ન લો
– શરદી ખાંસી થાય તો સિંધવ મીઠાને હુંફાળા સરસવના તેલમાં મિક્સ કરીને છાતી પર લગાવો
– ફ્રાઈડ તેમજ પ્રોસેસ્ડ ફૂડ ઓછું ખાઓ
– અઠવાડિયામાં એક કે બે વાર તમને જે ભાવતું હોય એ ખાઓ
– હોલ ગ્રેઇન્સ અને ફાઇબર્સનું ભરપૂર સેવન કરો
– હંમેશા ભૂખ લાગી હોય એનાથી થોડું ઓછું ખાઓ જેથી પાણી માટે જગ્યા રહે
– ખાવાનું બનાવતા અને ખાતા પહેલા સાબુથી હાથ ધુઓ
– હેલ્થ ચેકઅપ પણ નિયમિત રીતે કરાવતા રહો.
– તમારી પસંદનું કામ કરો, તમારા શોખને પુરા કરવા માટે પણ સમય કાઢો, આવું કરવાથી તમે રિફ્રેશ રહેશો
– ડાન્સિંગ અને સ્વિમિંગ કલાસ જોઈન કરો
– રિસર્ચ કહે છે કે વધુ ટીવી જોનારની લાઈફ ઓછી થઈ જાય છે એટલે બહુ ટીવી ન જુઓ
– કોમ્પ્યુટર અને મોબાઇલની સામે વધુ વાર સુધી ન બેસી રહો
– ઘરમાં સારું વેન્ટીલેશન હોવું જોઈએ, દિવસે બારીઓ ખુલ્લી રાખો જેથી તાજી હવાની ઘરમાં અવરજવર રહી શકે
– નાહ્યા પછી થોડું ધ્યાન કરો.
– ખાંસી અને છીંક આવે તો મોઢું અને નાક ઢાંકીને રાખો
– ઓવરઇટિંગથી બચીને જ રહો
– ફોન પર બહુ વાર સુધી વાતો ન કરો એનાથી ઘણા પ્રકારની તકલીફ થઈ શકે છે.
– લાંબા સમય સુધી એક જ જગ્યાએ ન બેસી રહો
– એસીનો ઉપયોગ જરૂર હોય ત્યારે જ કરો.
– ઓરલ હેલ્થ અને હાઈજિનનું પણ ખાસ ધ્યાન રાખો.
– તણાવથી બને ત્યાં સુધી દૂર જ રહો કારણ કે સ્ટ્રેસ આખા શરીર તેમજ ખાસ કરીને પાચનતંત્ર પર નકારાત્મક પ્રભાવ પાડે છે.
– ખુશ રહેવાનું અને ખુલીને હસવાનું શીખો. ખુલીને હસવાથી ફેફસા મજબૂત બને છે.
– સમય મળે ત્યારે બોડી તેમજ હેડ મસાજ કરાવો. એનાથી થાક ઉતરી જશે અને બોડી સર્ક્યુલેશન પણ વધશે
– પર્સનલ હાઈજિનનું મહત્વ પણ સમજો અને એના પર પણ ધ્યાન આપો
– શારીરિક સ્વાસ્થ્યની સાથે સાથે માનસિક સ્વાસ્થ્યનું પણ ખાસ ધ્યાન રાખો.
-કુકિંગ થેરપી ટ્રાય કરો. કહેવાય છે કે જ્યારે તમે જાતે જમવાનું બનાવો છો તો સ્ટ્રેસ ઘટે છે
– રાત્રે સૂતી વખતે કોશિશ કરો કે મોડા સુધી ન જાગો,એનાથી તમારું પાચનતંત્ર પણ ખરાબ થશે.
-પોતાના વિશે સારું વિચારો, આખા દિવસમાં એક એવું કામ કરો જેનાથી બીજાને મદદ થી શકે, એનાથી તમારું માનસિક સ્વાસ્થ્ય સુધરશે
– ચિટિંગ, જુઠ્ઠું બોલવું કે ઈર્ષ્યા જેવા નકારાત્મક ભાવ મનમાં ન લાવો
આવી બીજી ઘણી આદતો છે જે તમારી લાઇફસ્ટાઇલને હેલ્ધી બનાવી શકે છે તો પછી હવે રાહ કોની જુઓ છો, આજથી જ શરૂ કરી દેજો અમે આપેલી આ ટિપ્સ અપનાવવાની. આશા છે અમે જણાવેલી માહિતી તમને ઉપયોગી સાબિત થતી હશે
