ઓટ્સ ના ફાયદા આજની ભાગદોડ વાળી જિંદગીમાં દિવસને અંતે માણસ થાકી જતો હોય છે. જો તમે પણ દિવસ ભર એનર્જેટિક રહેવા માંગતા હોય, જો તમે પણપુષ્કળ પ્રમાણમાં પ્રોટીન અને વિટામિન્સ મેળવવા માંગતા હોય, તો તમારે ઓટ્સનું સેવન કરવું જોઈએ.
તમને જણાવી દઈએ કે ઓટ્સમાં ખૂબ જ સારી માત્રામાં પોષક તત્વો હોય છે . અને આ જ કારણ છે કે ઘણા દવાખાનાઓમાં પણ દર્દીઓને ઓટ્સ ખાવાની સલાહ આપવામાં આવે છે. પણ અફસોસની વાત એ છે કે આજે મોટાભગના લોકોને ખબર જ નથી કે ઓટ્સનું સેવન સ્વાસ્થ્ય માટે કેટલું ફાયદાકારક હોય છે.
ઓટ્સ ના ફાયદા
વિટામિન
ઓટ્સ એ એક એવો ખાદ્ય પદાર્થ છે જેમાં ફાઈબરનું પ્રમાણ ભરપૂર હોય છે. એટલું જ નહીં ઓટ્સમાં ફાઈબર ઉપરાંત, શરીરને જરૂરી હોય એવા અન્ય પોષક તત્વો પણ રહેલા છે. જેમ કે એનર્જી, બીટા-ગ્લુકેન, બળતરા વિરોધી, વિટામિન બી, વિટામિન બી-6 અને બી-12, વિટામિન ડી, કેલ્શિયમ, પ્રોટીન, મેગ્નેશિયમ, સિલિકોન, મિનરલ, કાર્બોહાઇડ્રેટ, થાઇમીન આ બધા પોષક તત્વો ઓટ્સની અંદર રહેલા હોય છે. જેનું સેવન કર્યા પછી તમે એકદમ એનર્જેટિક બની શકો છો.
જે વ્યક્તિ નિયમિત રીતે ઓટસનું સેવન કરે છે એ આખો દિવસ ઉર્જાવાન રહે છે કારણ કે ઓટ્સમાં વિટામિન્સ, મિનરલ્સ જેવા પોષકતત્વો રહેલા છે. તમને જણાવી દઈએ કે જ્યારે માણસ ઉર્જાવાન રહે છે ત્યારે એને થાક લાગતો નથી અને એટલું જ નહીં એને ઊંઘ પણ ઘણી સારી આવી છે.
બ્લડ પ્રેશર
જે લોકો હાઈ બ્લડ પ્રેશરની સમસ્યાથી પીડાઈ રહ્યા હોય એવા લોકો માટે ઓટ્સનું સેવન ખૂબ જ લાભદાયી નીવડે છે . બીપીની સમસ્યાને દૂર કરવા નિયમિત રીતે ઓટસનું સેવન કરવું જોઈએ. એમાં રહેલા ફાઇબર હાઈ બ્લડ પ્રેશરની સમસ્યાને ઘટાડે છે.
વજન ઘટાડવા માટે
જો તમારું શરીર પણ વધતું જાય અને તમે પણ સ્થૂળતાના શિકાર થઈ રહ્યા છો, તો ઓટ્સનું સેવન તમારા માટે ખૂબ જ લાભદાયક સાબિત થઈ શકે છે. ઓટ્સમાં કેલેરી અને કોલેસ્ટ્રોલનું પ્રમાણ ખૂબ જ ઓછું હોય છે એના કારણે તે વજન ઘટાડવા માટે ખૂબ જ અકસીર સાબિત થાય છે. આ ઉપરાંત ઓટ્સમાં શરીરની વધારાની ચરબી ઘટાડવાની પણ ક્ષમતા રહેલી છે.
ઓટ્સમાં સહેજ પણ માત્રામાં ચરબી હોતી નથી ઓટ્સ ફાઈબરનો ઉત્તન સ્ત્રોત છે. જેના કારણે શરીરની ચરબી એકદમ ઓગળી જાય છે. એટલું જ નહીં ઓટ્સ હૃદયના દર્દીઓ માટે પણ ખૂબ જ ફાયદાકારક નીવડે છે.
ખીલ અને ડાઘ
તમને જણાવી દઈએ કે ઓટ્સમાં બળતરા વિરોધી અને એન્ટીઑકિસડન્ટ જેવા ગુણો રહેલા હોય છે જે તમારા ચહેરાની સ્કિનમાંથી ખીલ અને ડાઘ દૂર કરે છે. આ ઉપરાંત ઓટ્સ ખાવાથી તમારું પાચનતંત્ર પણ મજબૂત બને છે કારણ કે તેમાં ફાઈબરની માત્રા ખૂબ જ વધારે હોય છે, જેના કારણે પેટમાં કબજિયાત રહેતી નથી.
પાચનતંત્ર
પાચનતંત્ર સારી રીતે કામ કરી શકે એ માટે ઓટ્સ એક ઉત્તમ આહાર સાબિત થાય છે અને ઓટ્સ તમારા આંતરડાને સાફ કરે છે. જો તમે નિયમિત રીતે ઓટ્સનું સેવન કરો છો તો તમારું પેટ સાફ રહે છે, પરિણામે શરીરમાં અન્ય કોઈ રોગ નથી થતો. ઓટ્સ ખાવા શિયાળાની ઠંડીથી બચવામાં પણ મદદ કરે છે.
ઓટ્સની તાસીર ઠંડી હોય છે એટલે શરીરમાં ગરમી વધવાને કારણે થતી તકલીફો જેમ કે ચક્કર આવવા, ગભરામણ થવી વગેરેમાં પણ રાહત મળે છે.
અમે પહેલા જણાવ્યું એમ ઓટ્સમાં ફાઈબર અને મેગ્નેશિયમનું પ્રમાણ સારું એવું હોય છે, જે મગજમાં સેરોટોનિનનું પ્રમાણ વધારે છે. એટલે ઓટ્સ ખાવાથી તમારું મન શાંત રહે છે.
ઓટ્સના ફાયદા જાણ્યા બાદ હવે તમે પણ વહેલી તકે ઓટસનું સેવન શરૂ કરી દેજો અને એ બાદ જે ફાયદા થાય એ અંગે અમને ચોક્કસ જણાવજો.
“દેશી ઓસડીયા ઘરેલુ ઉપચાર” આ અમારું ફેસબુક પેજ છે જ્યાં અમે સતત પ્રયત્ન કરીએ છીએ કે અમે અનુભવેલું અને અજમાવેલ જ તમને જણાવીએ.
અમારા પેજ પર જો તમે નવા છો તો અમારું પેજ હમણાં જ લાઈક કરી લો જેથી અમારા દરેક આર્ટિકલ તમે નિયમિત વાંચી શકો. તમને અમારી આ માહિતી કેવી લાગી એ કોમેન્ટમાં જરૂર જણાવજો અને તમારા બીજા મિત્રો સુધી આ માહિતી જરૂર શેર કરજો જેથી વધુ ને વધુ લોકોને આનો ફાયદો મળે.
ખાસ નોધ : અહીંયા અમે જે પણ ઘરેલુ અને સટીક ઉપાય તમને જણાવીએ છીએ એ લગભગ અસરકારક છે જ પણ તમે પણ જાણતા જ હશો કે વ્યક્તિની તાસીર અલગ હોય છે. આમ કોઈપણ ઉપાય તમે અપનાવો અને જો ફર્ક પડતા થોડો સમય લાગે તો એ તમારી તાસીરના કારણે બની શકે છે. વધુ વિગતો માટે હંમેશા તમારા ડૉક્ટરનો સંપર્ક કરો.