કાજુ પનીર મસાલા બનાવવાની રીત

કાજુ પનીર મસાલા બનાવવાની રીત

કાજુ પનીર મસાલા એક ખૂબ જ સ્વાદિષ્ટ ફૂડ રેસિપી છે અને તે બનાવવી પણ ખૂબ જ સરળ છે. જો તમે તેને ઘરે ક્યારેય ટ્રાય નથી કરી, તો અમારી રેસીપીની મદદથી, તમે સરળતાથી કાજુ પનીર મસાલા બનાવી શકો છો.

કાજુ પનીર મસાલા બનાવવા માટેની સામગ્રી

પનીર – 250 ગ્રામ
કાજુ – 1/2 કપ
બટર – 2 ચમચી
ડુંગળી – 1
આદુ-લસણની પેસ્ટ – 1 ટીસ્પૂન
ટામેટાની પ્યુરી – 2 કપ
કસૂરી મેથી – 1 ટીસ્પૂન
ગરમ મસાલો – 1/2 ટીસ્પૂન
જીરું પાવડર – 1 ટીસ્પૂન
કાજુની પેસ્ટ 2 ટીસ્પૂન
મલાઈ/ક્રીમ – 1/4 કપ
ધાણા પાવડર – 1 ચમચી
લાલ મરચું પાવડર – 1 ચમચી
હળદર – 1/2 ટીસ્પૂન
એલચી – 2
મીઠો લીમડો – 8-10
લવિંગ – 4-5
લીલા ધાણા સમારેલા – 2 ચમચી
તેલ – 3 ચમચી
મીઠું – સ્વાદ મુજબ

કાજુ પનીર મસાલા બનાવવાની રીત

કાજુ પનીરનો મસાલા બનાવવા માટે સૌથી પહેલા પનીર લો અને તેના ટુકડા કરી લો. આ પછી ડુંગળી અને ટામેટાને પણ ઝીણા સમારી લો. હવે એક કડાઈમાં તેલ મૂકીને મધ્યમ તાપ પર ગરમ કરવા મુકો. તેલ ગરમ થાય એટલે તેમાં પનીરના ટુકડા નાખીને લાઈટ બ્રાઉન થાય ત્યાં સુધી તળો. આ પછી તળેલા પનીરને પ્લેટમાં કાઢીને બાજુ પર રાખો. હવે તે જ તેલમાં કાજુ નાખીને સોનેરી થાય ત્યાં સુધી સાંતળી લો. ત્યાર બાદ તેને એક બાઉલમાં કાઢીને રાખો.

હવે બીજા એક પેનમાં બટર નાખીને ગરમ કરો. બટર ઓગળી જાય એટલે તેમાં મીઠા લીમડાના પાન, લવિંગ, જીરું, ઈલાયચી નાખીને સાંતળો. આ પછી, મસાલામાં ઝીણી સમારેલી ડુંગળી અને લસણ-આદુની પેસ્ટ ઉમેરો અને ગોલ્ડન બ્રાઉન થાય ત્યાં સુધી ફ્રાય કરો. ત્યાર બાદ ગેસની આંચ ધીમી કરો અને તેમાં હળદર, લાલ મરચું પાઉડર, ધાણા પાવડર, ગરમ મસાલો અને સ્વાદાનુસાર મીઠું નાખીને એક ચમચાની મદદથી બરાબર મિક્સ કરી લો.

જ્યારે ડુંગળી અને મસાલામાંથી સુગંધ આવવા લાગે ત્યારે તેમાં ટામેટાની પ્યુરી ઉમેરો. અને સારી રીતે રાંધવા માટે પેનને ઢાંકી દો. લગભગ 10 મિનિટ સુધી રાંધ્યા પછી, કાજુની પેસ્ટ ઉમેરો અને ગ્રેવીમાંથી તેલ અલગ ન થાય ત્યાં સુધી થવા દો. આ પછી તેમાં ક્રીમ ઉમેરીને ધીમી આંચ પર ચડવા દો. હવે ગ્રેવીમાં જરૂર મુજબ પાણી ઉમેરો અને ઘટ્ટ થાય ત્યાં સુધી પકાવો.

આ પછી ગ્રેવીમાં પહેલાથી શેકેલા પનીર અને કાજુ ઉમેરીને બરાબર મિક્ષ કરી લો. આ પછી, પેનને ઢાંકી દો અને શાકને 4-5 મિનિટ સુધી પકાવો. અંતે શાકમાં કસૂરી મેથી અને લીલા ધાણા નાખો. તમારી સ્વાદિષ્ટ કાજુ પનીર મસાલા કરી તૈયાર છે. તેને રોટલી, નાન કે પરાઠા સાથે સર્વ કરી શકાય છે.
આશા છે કે અમે જણાવેલી રેસીપીની મદદથી તમે પણ ઘરે જ બહાર જેવું કાજુ પનીર મસાલાનું શાક બનાવી તમારા પરિવાર જનોને ખુશ કરી શકશો. રેસીપીનો ઉપયોગ કર્યા પછી તમારો અભિપ્રાય અમને ચોક્કસથી જણાવજો.